SGCB Wool Cutting Pad Ø130 mm

SGCB Wool Cutting Pad Ø130 mm არის მყარი შალის (wool) ტიპის პოლირების დისკი, რომელიც განკუთვნილია როგორც როტორული, ასევე ექსცენტრიკული პოლირების მანქანებისთვის. გამოიყენება ღრმა ნაკაწრებისა და მქრქალი (matting) ზედაპირის მოსაშორებლად სტანდარტულ და მყარ ლაქ-საღებავის საფარებზე.

დისკში გამოყენებულია ორი ტიპის შალის ბოჭკო განსხვავებული სიგრძითა და სიმკვრივით, რომლებიც სექციურად, „ქსელური“ (grid) სტრუქტურით არის განლაგებული. ბოჭკოების საერთო სიგრძე არ აღემატება 7 მმ-ს, რაც უზრუნველყოფს უფრო აგრესიულ და ეფექტურ ჭრის მოქმედებას.

ბოჭკოები დამაგრებულია 10 მმ სისქის პოლისტერის ბაზაზე, რომელიც ახდენს არათანაბარი წნევის ამორტიზაციას, ამცირებს ღრმა ნაკაწრების წარმოქმნის რისკს და უზრუნველყოფს სტაბილურ მუშაობას პოლირების პროცესში.

შალის დისკი მუშაობისას ძლიერ ხურდება, ამიტომ ბაზა დამატებით უზრუნველყოფს სითბოს გაფრქვევას. ცენტრალური ხვრელი აუმჯობესებს ჰაერის ცირკულაციას და ხელს უწყობს გამოყენებული პასტისა და ცხელი ჰაერის ეფექტურ გამოდევნას, რაც განსაკუთრებით მნიშვნელოვანია ხანგრძლივი პოლირების პროცესში და იცავს ზედაპირს გადახურებისგან.

გამძლე Velcro სამაგრი უზრუნველყოფს მყარ ფიქსაციას პოლირების მანქანის დისკზე და საიმედო მუშაობას. გამოყენების შემდეგ დისკი უნდა გაიწმინდოს შეკუმშული ჰაერით, გაირეცხოს წყლით და სრულად გაშრეს, რის შემდეგაც მზად არის ხელახალი გამოყენებისთვის.